بھارت میں 42 واں انٹرنیشنل فلم فیسٹول شرو ع، شاہ رخ خان نے افتتاح کیا

بھارت میں بیالیسواں انٹرنیشنل فلم فیسٹول شرو ع ہو گیا۔ شاہ رخ خان نے مشعل جلا کر افتتاح کیا۔

فلم فیسٹول بھارت کےساحلی شہر گوا میں منعقد کیا جا رہا ہے جو دس روز تک جاری رہے گا۔ افتتاحی تقریب میں حکومتی عہدیداروں سمیت فلمی دنیا سے تعلق رکھنے والے چہروں نے شرکت کی۔ اس موقع پر خطاب کرتے ہوئے شاہ رخ خان کا کہنا تھا کہ وہ اب آرام کرنا چاہتے ہیں، فلمی میلے میں شرکت کے لئے حامی صرف اس لئے بھری کہ وہ اسے اپنے لئے اعزاز سمجھتے ہیں۔ افتتاحی تقریب میں شریک فنکاروں نے اپنی پرفارمنس سے شرکا کے دل جیت لئے۔